«Իմացումի հրճվանք» ծրագրի 3-րդ ուսումնական տարի
Մխիթար Սեբաստացի կրթահամալիր, Հյուսիսային դպրոց-պարտեզ, Անուշ Աթայանի բլոգ
Երկարացված օրվա կազմակերպում
Երկարացված օրվա ընթացքում ճամբարականների հետ սկսեցին հետաքրքիր տեխնոլոգիական գործունեություն: Աղջիկները սովորում էին ասեղնագործել, իսկ տղաները գեղեցիկ նախշեր էին ստանում փայտիկների, թելերի միջոցով: Աշխատանքը շարունակական է լինելու:
2800 խնդրով Երևան
Օրեր առաջ Հյուսիսային դպրոցի ճամբարականներով այցելեցին Քոլեջ` ուսումնասիրելու գորգ գործելու արվեստը: Շրջեցինք գորգագործության սրահով, իմացանք գորգի մեջ օգտագործվող հիմնական գույները, փորձեցինք մենք էլ գորգ գործել:
«Հայկական զարդանախշեր» նախագծի շրջանակներում կազմակերպեցինք քաղաքային թափառումներ Երևանի հին փողոցներով. փնտրում էինք հայկական զարդանախշեր հին կառույցների վրա: Այցելեցինք նաև Թուֆենկյան կենտրոն, որտեղ ներկա գտնվեցինք գորգ գործելու ընթացքին:
Ջոկատավարներ` Սեդա Վիրաբյան, Աննա Ֆրանգյան, Անուշ Աթայան
Այսօր մի խումբ ճամբարականների հետ այցելեցինք Քոլեջ` գորգագործության մասին տեղեկություններ հավաքելու համար: Շրջեցինք սրահով, տեսանք դազգահները, որի վրա գործում են գորգերը, պարզեցինք գորգի հիմանական գույները, փորձեցինք մենք էլ հյուսել, իմացանք կարևոր տեղեկություններ գորգագործության մասին:
Շնորհակալություն Թամարա Հարությունյանին, Կարինե Պետրոսյանին:
Ջոկատավարներ` Աննա Ֆրանգյան, Անուշ Աթայան
Նպատակը-ծանոթանալ հայակական զարդանախշերին, տեխնոլոգիական հմտությունների կիրառում, զարգացում
Մասնակիցներ-տարատարիք ճամբարականներ
Ընթացք`
Ճամբարականների հետ կուսումնասիրենք զարդանախշերը, գույները, նախշերի նախապատմությունը: Կայցելենք Քոլեջ, կծանոթանանք գորգագործության համար անհրաժեշտ գործիքներին: Կկազմակերպենք ուսումնական ճամփորդություն Երևանի հին փողոցներով՝ ուսումնասիրելու հին դռների նախշերը, կայցելենք գորգագործների, հարցազրույց կվերցնենք, ներկա կգտնվենք գորգագործության ընթացքին:
Նախագծի ընթացքում կհամագործակցենք տեխնոլոգ` Տաթև Աթոյանի, Աննա Ֆրանգյանի հետ:
Արդյունքը՝ ճամբարականները կսովորեն ասեղնագործել, կստեղծեն գորգի նմուշներ, կփորձեն ասեղնագործել, գորգագործության միջոցով ստանալ հայկական զարդանախշեր: Մայիսյան հավաքին կկազմակերպենք այլընտրանաքային ցուցահանդես՝ ասեղնագործությունը քամիչների վրա:
«Իմացումի հրճվանք» ծրագրի 3-րդ ուսումնական տարի 